१०. जग्गा तथा घडेरी खरिद ऋण

व्यक्तिगत आवास तथा उत्पादन प्रयोजनको लागी जग्गा तथा घडेरी खरिद गर्न प्रदान गरिने ऋण नै जग्गा तथा घडेरी खरिद ऋण हो । यो ऋण ऋणिको नाममा नभई अन्य पक्षमा स्वामित्तव प्राप्त हुनेभएमा यस्तो ऋण प्रदान गरिने छैन । यस कर्जामा ०.५% देखि १% सम्म व्यवस्थापन शुल्क लाग्ने छ भने कर्जा अवधि अधिकतम ६० महिनाको हुनेछ ।

११. निजि सवारी साधन खरिद ऋण

यो ऋण व्यक्तिगत सवारी साधन खरिदको लागि प्रदान गरिने ऋण हो । सवारी साधनको कुल लागतको बढिमा ७० प्रतिशत सम्म लगानि गरिन्छ साथै यस ऋणमा सुरक्षणको रुपमा संस्थाको नाममा सवारी साधन सहित अन्य स्थिर सम्पत्ती पनि राख्न सकिन्छ । सवारीसाधको बीमा, तेस्रोपक्ष बीमा, दुर्घटना बीमा, करचुक्ता लगायतका अन्य नियमित कानुनी दायित्व ऋणी स्वयमको हुनेछ । यस कर्जामा १% सम्म व्यवस्थापन शुल्क लाग्ने छ भने कर्जा अवधि अधिकतम ३६ महिनाको हुनेछ ।

१२. सुविधा ऋण क.सदस्यहरुले संस्थामा खरिद गरेको शेयरको आधारमा सदस्यहरुलाई सुविधा दिने उद्देश्यले लगानी गर्ने ऋणलाई सुविधा ऋण भनिन्छ । यस ऋणमा सदस्यले खरिद गरेको शेयरको ९०% सम्म ऋण उपभोग गर्न सकिन्छ । यस ऋणमा व्यवस्थापन शुल्क लाग्ने छैन । यस ऋणको अधिकतम अवधि १२ महिना हुनेछ । ख. सदस्यहरुले संस्थामा खरिद गरेको शेयरमा गरेको योगदानको आधारमा सदस्यहरुलाई सुविधा दिने उद्देश्यले लगानी गर्ने ऋणलाई सुविधा ऋण भनिन्छ । यस ऋणमा सदस्यले खरिद गरेको शेयरको ३ गुणा सम्मको ऋण रकम अर्को सदस्यको धनजमानीको आधारमा उपभोग गर्न सकिन्छ । यस ऋणमा व्यवस्थापन शुल्क ०.५ % लाग्ने छ । यस ऋणको अधिकतम अवधि १२ महिनाको हुनेछ ।

१३. नियमित वचत ऋण

क.सदस्यहरुले संस्थामा जम्मा गरेको नियमित वचतको आधारमा सदस्यहरुलाई सुविधा दिने उद्देश्यले लगानी गर्ने ऋण नै नियमित वचत ऋण हो । सदस्यले आफुले जम्मा गरेको नियमित वचत रकमको ९०% सम्मको रकम ऋणको रुपमा उपभोग गर्न सकिने छ । यस ऋणमा व्यवस्थापन शुल्क लाग्ने छैन । यस ऋणको अधिकतम अवधि १२ महिनाको हुनेछ ।
ख.सदस्यले आफुले जम्मा गरेको नियमित वचत रकमको ३गुणा वा रु ५०००००।सम्ममा जुन कम हुन्छ सो सम्मको ऋण रकम अर्को सदस्यको धनजमानीको आधारमा उपभोग गर्न सकिने छ । यस कर्जामा व्यवस्थापन शुल्क ०.५% लाग्ने छ । यस ऋणको अधिकतम अवधि १२ महिना हुनेछ ।

१४. सामाजिक ऋण

सदस्यहरुको घरायसी व्यवहारमा आइपर्ने आवस्यकता परिपुर्ति गर्न प्रदान गरिने ऋणलाई सामाजिक ऋण भनिन्छ । यस ऋणमा व्यवस्थापन शुल्क ०.५%देखि १% सम्म लाग्नेछ । यस ऋणको अधिकतम अवधि २४ महिना हुनेछ ।
१५.आपतकालिन ऋण सदस्य तथा सदस्यहरुको एकाघरको परिवार बिरामी, दैवी प्रकोप, दुर्घटना भई औषधी उपचार गर्नु पर्ने भएमा वा मृत्यु संस्कार प्रयोजनको लागि प्रदान गरिने ऋणलाई आपतकालिन ऋण भनिन्छ । यस ऋणमा व्यवस्थापन शुल्क ०.५%देखि १% सम्म लाग्नेछ । यस ऋणको अधिकतम अवधि २४ महिना हुनेछ ।

१६. आवधिक वचत ऋण

सदस्यहरुले आवधिक वचतको रुपमा जम्मा गरेको रकमको जमानतको आधारमा रकम उपलब्ध गराउने उद्देश्यले लगानी गर्ने ऋण नै आवधिक वचत ऋण हो । ऋणको सिमा आवधिक वचतको ९० प्रतिशत सम्म हुनेछ । यस कर्जामा व्यवस्थापन शुल्क लाग्ने छैन भने अधिकतम कर्जा अवधि आवधिक वचतको अवधि सम्म हुनेछ । व्याजदर आवधिक वचत व्याजदर भन्दा २ प्रतिशत बढी हुनेछ ।
ग.सदस्य राहत कोष ः– संस्थाका सदस्य तथा सदस्यका परिवारलाई पर्न सक्ने सामाजिक तथा स्वास्थ सम्वन्धी समस्याबाट केही आर्थिक राहत होश भन्ने अभिप्रायले सदस्य राहत कार्यक्रमहरु सञ्चालन गरिएको छ ।जसमा देहाय बमोजिम सुविधा व्यवस्था गरिएको छ । १.काजकिरिया अनुदान २.मातृशिशु अनुदान ३.एम्वुलेन्स तथा शव वाहन सेवा ४.दुघर्टना क्षती सहयोग ५.आपतकालिन सापटी ६.औषधी उपचार सहयोग ७.घातक रोग तथा अंगभंग राहत